بعد ما خرجت وماشيه افتكرت ان السلسله بتاعتي نسيتها في المطبخ
لا كده كتير السلسله كانت جباله حنان في عيد ميلادي وانا عمال اكلم نفسي ارجع اجيبها
لا ترجعي على فين يا فرح انتي ما صدقت خرجتي ترجعي برجريكي تاني
واقفه مستنيه تاكسي كان تليفوني بيرن
طلعت من الشنطه بشوف مين اللي بيرن
كانت حنان الوو
حنان ايوه يا فرح احكيلي عملت ايه لما رحتي الشغل …..
خليك معايا دقيقه يا حنان هركب التاكسي
ايوه يا حنان…….
حنان احكيلي يلا يا فرح قابلت كريم ايه رايك في شاب شهم …..
النهارده كان اليوم صعب اوي يا حنان …
بقلم امل شعبان علمتني ازاي احب
حنان ليه ايه اللي حصل….
بقلم امل شعبان علمتيني ازاي احب
فرح حكيت كل حاجه لحنان من ساعه ما نزلت من الاتوبيس لغايه ما خرجت من البيت استاذ احمد…….
حنان ده انتي نحس يا بنت يا فرح يعني اول يوم
ليكي شغل ما توقعيش غير مع استاذ احمد …..
انا بصراحه ياحنان قلت هيرفضني من الشغل بس لقيته بيقول لي عادي حصل خير……..
حنان استاذ احمد ده بالذات ما عندوش ياما ارحميني في الشغل ده عامل رعب للموظفين في الشركه ده انا من ساعه ما اشتغلت في الشركه ما شفتوش بيضحك ولا بيهزر مع الموظفين…….
خلاص يا حنان انتي بتوتريني اكثر من انا متوتره
المهم انتي مامتك عامله ايه…
حنان ماما الحمد لله كويسه كان الضغط عالي عليها بقيت كويسه دلوقتي……..
دائما يا رب تبقى بخير……
بقلم امل شعبان علمتني ازاي احب
حنان يا رب يا حبيبتي…..
ماشي يا روحي هقفل معاك عشان انا وصلت الشركه..
حنان ماشي يا فروح يلا باي…
دخلت الشركه وطلعت على مكتبي
قعدت فتحت الكمبيوتر كنت بدخل شويه بيانات
لقيت كريم جاي
ايه يا فروح عاجبك الشغل
هزيت براسي وابتسمت قلتله ايوه
كريم وريني بتعملي ايه……
بدخل البيانات على الكمبيوتر زي ما قالتلي استاذه شيماء…..
كريم قرب من فرح ولمس ايديها …
فرح شلت ايديها بسرعه وهي مصدومه من اللي بيعملوا كريم ده ……
كريم في ايه مالك ما كنتش اقصد لو عايزه حاجه انا في المكتب
نهارك اسود يا فرح في اللي انتي فيه ده واحد متحرش والتاني محسسني ان انا بتعامل مع وحش ايه فيلم الهندي اللي انا عايشه فيه ده
دخلت شيماء ايه يا فروح دخلت البيانات على الكمبيوتر …….
اه قربت اخلص اهو….
شيماء طيب على السريع يلا عشان قربنا نروح …..
حاضر يا استاذه شيماء…..
خلصت شغلي مروحه دخلت الاسانسير عشان انزل
لقيت كريم دخل ورايا الاسانسير
بصيتله وانا متوتره. اول حاجه خطرت في بالي
ده اكيد هيتحرش بيا في الاسانسير بس يفكر يعمل حاجه انا اديله بوكس في وشه اعوجله مناخيره لا عامله زي الكرنبه
كريم بيبص ليه فرح لقيها بتبرقله وبتجز على اسنانها
كريم اتوتر هي مالها دي هتتحول ولا ايه
الاسانسير فتح خرج كريم وخرجت ورا وفرح
نسيب فرح وناخد لفه عند احمد
احمد قاعد على الكرسي مشغل فيلم اكشن بيتفرج عليه
بعد كده قام احمد يعمل فنجان قهوه دخل المطبخ
هو بيحضر في فنجان القهوه بيبص لايه سلسله محطوط على الرخامه
بتاعه مين دي فتح السلسله لقيي صوره فرح وجنبيها حنان
سرح بخياله في الصوره وتذكر الموقف اللي حصلت بيني وبين فرح ابتسم ابتسامه بسيطه خذي الفنجان القهوه وخرج
بقلم امل شعبان علمتيني ازاي احب
نرجع لفرح
فرح كانت نايمه صحها صوت التليفون وهو بيرن
الو مين
حنان هو ايه اللي مين انا حنان يا فرح هو انتي لسه ما قمتيش……
فرح في حد برن على حد دلوقتي يا حنان…….
حنان وقت ايه يا هانم الساعه 7:45 قومي اجهزي يلا عشان رايحين الشغل …….
يا لهوي الشغل ده انا نسيت يلا باي يا حنان قفلت التليفون جهزت نفسي نزلت جري على تحت
